Kismaayo,(insidesomalia.org)-Diyaarada kuwa khaadka keenaha ah oo sida la shegay lagu soo Rasaaseeyay Magaalada Kismaayo ayaa ku soo degtay garoonka Macmalka ah ee KM 50 ee Gobolka Shabelaha hoose.

Diyaaradani oo la mid ah tii todobaadkii tagay ku soo dhacay garoonkaasi ayaa waxaa illo ku dhow dhow garoonka ay sheegeen in diyaaradasi ay ku yaaleen illaa 50 Xabadood isla markaana marka ay soo degeeysay ay ka daadanayeen Shidaalka iyo weliba Biyaha.

Nin ku soo gaabiyay Magaciisa Xiirey oo ka mid ah holwadeenda Garoonka KM 50 ayaa waxaa uu Saxaafada u xaqiijiyay in diyaaradaasi iyadoo qiiqesa ay ka soo degtay garoonka KM 50,isla markaana ay ka mid aheeyd kuwa khaadka keena Dalka Soomaaliya.

Dhawaan ayeey aheed markii diyaarada la mid ah mida hada ku soo degtay garoonka KM 50 ay ku soo dhacday isla garoonkaasi, taasi oo baalka ku dhufatay siin ka mid ah kuwa u taagan isgaarsiinta dalka isla markaana ay ku geeriyoodeen 3 pilot oo diyaaradaasi waday.

Ma jiraan wax war ah oo ka soo baxay ganacatadii ay u rarneeyd diyaaradaasi iyo weliba hay’adii ay ka diiwan gashaneeyd ee Dalka Kenya.